شبِ براءت کی عبادت گھر میں ادا کرنی چاہیے یا مسجد میں اور اگر مسجد میں انفرادی طور پر ادا کی جائے تو کیا حکم ہے؟
وا ضح رہے کہ نفلی عبادت ادا کرنے میں بہتر اور افضل یہ ہے کہ آدمی گھرمیں ادا کرے ،البتہ اگر گھر میں خشوع وخضوع میسر نہ آسکتا ہو تو مسجد میں بھی انفرادی طور پر نفلی عبادت کی ادائیگی کی گنجائش ہے۔
درمختارمیں ہے:
"و الأفضل في النفل غير التراويح المنزل، إلا لخوف شغل عنها، و الأصح أفضلية ما كان أخشع و أخلص".
(کتاب الصلاۃ، باب الوتر و النوافل، ج:2،ص:22،ط:سعید)
فقط واللہ اعلم
فتوی نمبر : 144308101147
دارالافتاء : جامعہ علوم اسلامیہ علامہ محمد یوسف بنوری ٹاؤن