سوال

میں نے اپنے بھتیجے کا نام شاہ میر حسن رکھا ہے، تو اب پوچھنا یہ ہے کہ کیا  یہ نام رکھنا شرعًادرست ہے ؟

جواب

'شاہ' اور'میر' دونوں فارسی زبان کے الفاظ ہیں،اصل میں تھا شاہ امیر ،پھر شاہ میر بن گیا،"شاہ"سیدوں کا اعزازی لقب ہے،اور "میر "کے معانی میں ایک معنی افسر،سردار ہے،لہذا شاہ میر کا معنی ہوا ،معزز سردار، اور حسن عربی زبان کا لفظ ہے،اس  کامعنی خوبصورت  ہے، اس  لحاظ  سے  شاہ  میر  حسن  کا معنی ہوگا:"معزز ( اور)  خوبصورت سردار  " ، یہ نام رکھنا درست ہے۔

فیروز اللغات اردو جدید میں ہے:

"شاہ:[ف،ا،مذکر](1)آقا، مالک(2)بادشاہ(3)فقیروں اور سیدوں کا لقب(4)شطرنج کا ایک مہرہ(5)دولھا(6)[صف]عمدہ،معزز،سب سے بڑا،بہترین۔"

(حرف شین،ص:445، ط: فیروز سنز پرائیوٹ لمیٹڈ،لاہور)

وایضاً:

"میر:[ف،ا،مذکر](1)افسر،سردار(2)راہ نما،پیشوا(3)سیدوں کا اعزازی لقب(4)شہزاد(5)تاش کا بادشاہ۔"

(حرف میم،ص:667،ط: فیروز سنز پرائیوٹ لمیٹڈ،لاہور)

فقط واللہ اعلم