سیلاب فنڈ کے نام سے سرکاری ملازمین کی تنخواہوں سے کچھ رقم اس ماہ جبرًا کٹ رہی ہے، کیا ایسا کرنا شرعًا جائز ہے؟
صورتِ مسئولہ میں کسی بھی ملازم کی تنخواہ میں سے سیلاب فنڈ کے لیےاس کی اجازت اور رضامندی کے بغیر اس کی ماہانہ تنخواہ سے کٹوتی کرنا شرعا جائز نہیں ہے۔
مسند احمد میں ہے:
"حدثنا أسود بن عامر، قال: أخبرنا أبو بكر، عن عاصم، عن أبي وائل، عن عبد الله، قال: قال رسول الله صلى الله عليه وسلم: " من اقتطع مال امرئ مسلم بغير حق، لقي الله عز وجل وهو عليه غضبان "
ترجمہ:"جس نےنا حق کسی مسلمان کا مال روک لیا وہ اللہ تعالی سے اس حال میں ملے گا کہ اللہ تعالی اس پر غصہ ہونگے (اور اس سے ناراض ہوں گے )۔"
(ج:7،ص:59،رقم :3946ط: مؤسسة الرسالة)
مجلۃ الاحکام العدلیۃ میں ہے:
"(المادة 96) : لا يجوز لأحد أن يتصرف في ملك الغير بلا إذنه."
(المقالة الثانية في بيان القواعد الكلية الفقهية،ص27،ط؛دار الجیل)
فقط واللہ اعلم
فتوی نمبر : 144402101744
دارالافتاء : جامعہ علوم اسلامیہ علامہ محمد یوسف بنوری ٹاؤن