سحری ختم سے دس منٹ پہلے کسی نے اپنے بیوی سے ہم بستری کی, کیا اس پہ کفارہ ہے?
رمضان المبارک میں غروبِ آفتاب ہوجانے اور روزہ کھل جانے کے بعد سے صبح صادق تک کھانا پینا اور بیوی سے ہم بستری کرنا جائز ہے، لہذا صبح صادق (سحری کا وقت ختم ہونے ) سے دس منٹ پہلے بیوی سے ہم بستری کرنا جائز ہے، اس سے کوئی کفارہ لازم نہیں ہوتا، اور وقت کم ہونے کی صورت میں اسی حالت میں سحری کرکے یا بغیر سحری کے روزہ کی نیت کرنا بھی درست ہے، البتہ نمازِ فجر سے پہلے غسل کرکے فرض نماز ادا کرنا ضروری ہے۔ فقط واللہ اعلم
فتوی نمبر : 144109200451
دارالافتاء : جامعہ علوم اسلامیہ علامہ محمد یوسف بنوری ٹاؤن