صورتِ مسئولہ میں جو سرکاری مہمان بیرون ممالک سے آتے ہیں اُن کی حفاظت کرنا اور اُن کو سیکیورٹی اور پروٹوکول فراہم کرنا چونکہ میزبان ملک کی ذمہ داری ہے اس لیے میزبان سرکار ہی سے  رقم کا مطالبہ کیا جائے؛  تا کہ سرکار کی طرف سے ملنے والی رقم  سے مہمانوں کی  حفاظت اور سیکیورٹی کا انتظام کیا جائے، اب جیسا کہ اوپر لکھا گیا ہے کہ "حکومت کی جانب سے مقرر کردہ حفاظتی عملہ اور گاڑیاں  ان کی حفاظت اور پروٹوکول کے لیے کافی ہوتی ہیں" تو اس صورت میں بعض مہمانوں کے مذکورہ مطالبہ سے حکومتی ذمہ داروں کو آگاہ کیا جائے، حکومت کی اجازت کے بغیر مہمانوں سے مذکورہ مد کے لیے رقم لینا جائز نہیں ہو گا، نیز بعض حضرات کا مذکورہ موقِف شرعاً درست ہے۔

 یاد رہے کہ جو رقم سرکار کی طرف سے یا مہمانوں کی طرف سے سائل کو یا اُس کے ادارے کو دی جاتی ہے وہ رقم اُس کے پاس امانت ہو گی اور اُس کو محض اُسی مَصرف میں خرچ کرنا جائز ہو گا جس مَصرف کے لیے وہ رقم دی گئی ہے، اُس رقم کو دیگر مصارف میں خرچ کرنا جائز نہیں ہو گا۔

الموسوعۃ الفقہیۃ  الکویتیہ میں ہے:

‌‌أنواع الوكالة باعتبار محلها:

تتنوع الوكالة باعتبار المحل: إلى وكالة خاصة، ووكالة عامة.

‌‌أ - الوكالة الخاصة:

 الوكالة الخاصة هي ما كان إيجاب  الموكل فيها خاصا بتصرف معين، كأن يوكل إنسان آخر في أن يبيع له سلعة معينة. وفي هذه الحالة لا يجوز للوكيل أن يتصرف إلا فيما وكل به، باتفاق الفقهاء۔

(الوکالۃ، ج:45، ص:26، ط:طبع الوزارة)

الموسوعۃ الفقہیۃ  الکویتیہ میں ہے:

‌‌الوكيل أمين:

138 - اتفق الفقهاء على أن الوكيل أمين على ما تحت يده من أموال لموكله فهي بمنزلة الوديعة ..... ولا فرق في ذلك بين ما إذا كان يعمل بالأجر أو كان متبرعا بالعمل۔

(الوکالۃ، ج:45، ص:86، ط:طبع الوزارة)

فقط واللہ اعلم