سوال

اگر کسی شخص نے سعودیہ میں عید کی نماز ادا  کی اور پاکستان آیا اور پاکستان میں عید ایک دن بعد ہو تو کیا وہ دوبارہ  عید کی نماز ادا  کرے گا یا نہیں؟

جواب

اگر کسی شخص نے عید کی نماز سعودی میں ادا کر لی، اس کے بعد پاکستان پہنچا اور پاکستان میں اگلے دن عید ہو تو ایسی صورت میں ایسے شخص پر دوبارہ پاکستان میں عید کی نماز پڑھنا واجب نہ ہو گا،  تاہم اگر پاکستان میں بھی عید کی نماز میں شریک ہو جائے تو اس کی ممانعت نہیں۔

 فتاوی سراجیہ میں ہے:

"إذا صلی العيد في بلدة، ثم انتهی من الغد إلی قوم يصلون العيد في بلدة أخری، فصلی معهم لم يكره".

(كتاب الصلاة، باب العيدين، فصل، ص: ١٨، سعيد)

فقط واللہ اعلم