سوال

ساس سسر کا دیور کی وجہ سے بہو سےبرا سلوک ہے،بہو سے بار بار کہنا کہ  دیورسے بات نہیں کروگی، تو ہم بھی بات نہیں کریں گے، اب بہو کیا کرے؟

جواب

کسی بھی خاتون کے لیے اپنا دیور غیرمحرم ہوتا ہے، لہٰذا ضرورت کے بغیر دیور سے بات کرنا شرعاً ممنوع ہے، سوال میں ذکر کردہ تفصیلات کے مطابق اگر واقعتًا  ساس اور سسر خلافِ شرع بات  (دیور سے بلاضرورت بات چیت) کے  لیے دباؤ ڈال رہے ہیں اور اس کے ساتھ  ساتھ سلوک بھی اچھا نہیں ہے تو ان  کایہ رویہ بہو کے  ساتھ  ٹھیک  نہیں ہے،  مذکورہ عورت کے شوہر کو چاہیے کہ اگر مشترکہ گھر میں رہتے ہوئے  بیوی کی حق تلفی ہورہی ہے تو وہ اپنی استطاعت کے موافق بیوی کے لیے الگ رہائش کا انتظام کر کے اسے وہاں رکھے، یہ بیوی کا حق ہے، لیکن جب تک شوہر الگ رہائش کا انتظام نہ کرسکے اس وقت تک مذکورہ عورت شوہر کو تنگ کرنے اور ستانے کے بجائے ان کے گھر میں رہتے ہوئے صبر سے کام لے اور اپنی ہمت کے موافق شوہر اور ساس کی خدمت کرے،  یہ اس کے لیے بڑے اجر کا باعث ہوگا، ورنہ شوہر کو  تنگ کرنے سے سارا اجر ضائع ہونے کا خطرہ ہے۔فقط واللہ اعلم