سوال

 ایک دکان  ہے جو سرکاری  ہے،  یہ دکان  کسی نےپہلے سے لے رکھی ہے،  اور اس کا کرایہ  وہ 1500 روپے  دے رہا ہے،  اب اس آدمی نے وہ دکان مجھے  6 لاکھ روپے پگڑی لےکر 4000 روپے کرایہ  لےکر مجھے دے دی،  کیا وہ دکان میں  استعمال کر سکتا ہوں  یا نہیں؟

جواب

مذکورہ دکان  چوں کہ سرکاری ملکیت ہے، اس لیے پہلے آدمی کے لیے یہ جائز نہیں تھا کہ وہ یہ دکان آپ کو پگڑی پر دے دے، نیز پگڑی کا معاملہ کرنا بھی شرعاً درست نہیں؛ کیوں کہ پگڑی کا معاملہ نہ تو خرید و فروخت کا معاملہ ہے اور نہ ہی کرایہ داری کا معاملہ ہے، بلکہ دونوں کے درمیان کا ایک معاملہ ہے، اس لیے آپ نے جو معاملہ کیا ہے اس کو فوری طور پر ختم کر دیا جائے۔  فقط واللہ اعلم