کیا سریش نام رکھنا جائز ہے؟
"سریش "سین کے زبر کے ساتھ اس کا معنی ہے اونٹ گائے بھینس وغیرہ کی ہڈیوں ، کچی کھال یا مچھلی کے پٹھوں سے بنا ہوا مسالا جو لکڑی وغیرہ کو چپکانے کے لیے استعمال کیا جاتا ہے(اردو لغت جلد ۱۱ ص:۷۷۶ ط:اردو لغت بورڈ (ترقی اردو بورڈ) کراچی)
معنی کے اعتبار سے یہ نام اتنا اچھا نہیں ہے اس لیے عبد اللہ ، عبدالرحمن یا اللہ تعالی کے صفاتی ناموں کے شروع میں لفظ "عبد" کا اضافہ کرکے نام رکھے یا انبیاء کرام علیہم السلام ،یا صحابہ کرام رضوان اللہ علیہم اجمعین کے ناموں میں سے کوئی نام رکھا جائے نیز جامعہ کے ویب سائٹ پر ناموں کی فہرست حروف تہجی کے اعتبار سے موجود ہے وہاں سے دیکھ کر بھی نام رکھ سکتے ہیں۔
فقط و اللہ اعلم
فتوی نمبر : 144407102397
دارالافتاء : جامعہ علوم اسلامیہ علامہ محمد یوسف بنوری ٹاؤن