سوال

اپنی بیوی کو طلاق دینے کے علاوہ اور کن وجوہات کی بنا پر طلاق ہو سکتی ہے جیسے سالی کو شہوت سے دیکھنا وغیرہ؟

جواب

صورتِ مسئولہ میں جب تک شوہر بیوی کو طلاق نہ دے تو طلاق واقع نہیں ہوتی،نیز سالی کو شہوت سے دیکھنا گناہ ہے،   اس پر صدق دل سے توبہ واستغفار کرنا لازم ہے، اور چوں کہ سالی بہنوئی ایک دوسرے کے لیے غیر محرم ہیں، اس لیے پردے  کا اہتمام  بھی ضروری ہے،تاہم سالی کو شہوت سے دیکھنے سے بیوی حرام یا بیوی کو طلاق نہیں ہوتی، البتہ گناہ ضرورہے۔

فتاوی شامی میں ہے:

"وفي الخلاصة: وطئ أخت امرأته لا تحرم عليه امرأته ."

(كتاب النكاح، فصل في المحرمات، ج: ۳، صفحہ: ۳۴، ط: سعید)

فقط والله أعلم