سوال

میں شادی شدہ ہوں اور میری دو بیٹیاں ہیں، ایک 13 سال کی اور دوسری 16 سال کی۔ میری بیوی  کی بہن(سالی) جو کہ میری خالہ زاد بہن بھی ہے، وہ شوہر کے ساتھ  مسائل کی وجہ سے اپنی والدہ (میری ساس، خالہ) کے گھر رہنے آگئی ہے۔ اس کے دو بیٹے ہیں جن کی عمر 11 سال اور 14 سال ہے۔میں بھی اپنی خالہ ہی کے گھر میں یعنی اپنی ساس کے گھر میں رہتا ہوں۔ مجھے بتائیں کہ کیا میں اپنی خالہ زاد بہن کا محرم ہوں یا اسے مجھ سے پردہ کرنا ہے؟

جواب

خالہ زاد بہن اور بیوی کی بہن  (سالی)، دونوں ہی نامحرم ہوتی ہیں؛ لہذا صورتِ مسئولہ میں جو لڑکی آپ کی سالی بھی ہے اور خالہ زاد بہن بھی ہے، وہ آپ کی نامحرم ہے اور اس کے ذمہ آپ سے پردہ کرنا لازم ہے، نیز بلاضرورت بات چیت کرنا، دیکھنا، ملنا بیٹھنا  بھی جائز نہیں ہے۔ فقط واللہ اعلم