زید نے نماز صلاۃ التسبیح پڑھنے اور اس میں واجب چھوٹنے پر سجدہ سہو کیا، تو سہو کے سجدوں میں تسبیح دوبارہ پڑھے گا یا نہیں ؟
واضح رہے کہ صلاة التسبیح کی چاروں رکعات میں تسبیح کی کل تعداد 300 کا عدد مکمل کرنا مقصودہوتا ہے، جس کے دو طریقے احادیث میں منقول ہیں، جس کی تفصیل درج ذیل فتاوی میں درج ہے:
صلاۃ التسبیح کا تعارف، اہمیت، فضائل اور طریقہ
پس مسئولہ صورت میں اگر تسبیح کی تعداد 300 ہوچکی ہو تو ایسی صورت میں سجدہ سہو میں اور دونوں سجدوں کے درمیان تسبیح پڑھنے کی ضرورت نہ ہوگی، البتہ اگر 300 کی تعداد مکمل نہ ہوئی ہو تو اس صورت میں سلام سے قبل بقیہ تعداد کو مکمل کرلیا جائے۔ فقط واللہ اعلم
فتوی نمبر : 144206201079
دارالافتاء : جامعہ علوم اسلامیہ علامہ محمد یوسف بنوری ٹاؤن