سوال

مجھے شادی پر سلامی میں موٹر سائیکل ملی، میرے سالے نے اس کی چابی دے کر مجھے یہ کہا کہ یہ آپ کی ساس کی طرف سے گفٹ ہے، اب وہ کس کی ملکیت میں آئے گی اور اس پر کس کا حق ہوگا؟ 

جواب

صورت ِ مسئولہ میں سائل کو شادی کے موقع پر ملنے والی موٹر سائیکل یہ اس کی ساس کی طرف سے ہبہ  (گفٹ) ہے، اور  سائل کے وصول کر لینے کے بعد وہ موٹر سائیکل اب سائل کی ملکیت ہو گئی ہے،اور   سائل اس کا مالک ہے۔

الدر المختار میں ہے:

"(وتتم) الهبة (بالقبض) الكامل."

(كتاب الهبة، ج:5، ص:690، ط:ايچ ايم سعيد)

بدائع الصنائع میں ہے:

"أما أصل الحكم فهو ثبوت الملك للموهوب له في الموهوب من غير عوض لأن الهبة تمليك العين من غير عوض فكان حكمها ملك الموهوب من غير عوض."

(كتاب الهبة، فصل في حكم الهبة،ج:6، ص:127، ط:دار الكتب العلمية)

فقط واللہ اعلم