سوال

سجدہ تلاوت قرآن کا طریقہ کار کیا ہے؟

جواب

سجدہ تلاوت کا طریقہ کار یہ ہے کہ ہاتھ اٹھائے بغیر ’’اللہ اکبر‘‘  کہہ کر سجدہ کرے، اور سجدے میں کم از کم تین مرتبہ ’’سبحان ربی الاعلی‘‘  کہے اور پھر ’’اللہ اکبر‘‘  کہہ کر سجدہ سے اٹھ جائے، سجدہ تلاوت میں تشہد اور سلام نہیں ہے۔

بہتر یہ ہے کہ کھڑے ہوکر اللہ اکبر کہتاہوا سجدے میں جائے اور سجدے کے بعد اٹھ جائے، تاہم اگر بیٹھے بیٹھے اللہ اکبر کہہ کر سجدہ کرلے اور پھر بیٹھ کر تلاوت یا کوئی کام جاری رکھے تو بھی کوئی حرج نہیں ہے۔

الفتاوى الهندية - (1 / 135):
"فإذا أراد السجود كبر ولا يرفع يديه وسجد ثم كبر ورفع رأسه ولا تشهد عليه ولا سلام، كذا في الهداية، ويقول في سجوده: سبحان ربي الأعلى ثلاثًا ولاينقص عن الثلاث كما في المكتوبة، كذا في الخلاصة، وهو الصحيح، هكذا في فتاوى قاضي خان". فقط و الله أعلم