سوال

نماز تراویح میں سجدہ تلاوت کے بعد اگر آیت بھول جائے تو دوبارہ اسی سجدے والی آیت سے شروع کرنا ٹھیک ہے؟

جواب

 تراویح کی نماز میں آیت سجدہ تلاوت کرکے   سجدہ کرلینے کے بعد  ، پھرکھڑے ہوکر اگلی آیت کے بجائے وہی آیت سجدہ دوبارہ پڑھ لی جائے   تو پہلا سجدہ کافی ہے، دوبارہ سجدہ کرنے کی ضرورت نہیں ہے ، نہ امام پر اور نہ ہی مقتدیوں پر سجدہ تلاوت واجب ہوگا، اور سجدہ سہو بھی واجب نہیں ہوگا۔

الفتاوى الهندية (1/ 135):

"ولو تلاها في ركعة فسجدها ثم أعادها في تلك الركعة لاتجب ثانيًا، كذا في محيط السرخسي".

فقط والله  اعلم