بعض مساجد میں یہ دیکھا گیا ہے صف کے دونوں کناروں میں راستہ رکھا جاتا ہے؛ تاکہ جماعت کی نماز ختم ہونے پر اگر کسی مصلی کو جانا ہو تو وہ کنارے سےگزر جائے، مسبوق کی وجہ سے انتظار نہ کرنا پڑے، اس طرح کناروں میں کچھ راستہ رکھ کر صف بنانا صحیح ہے ؟
صورتِ مسئولہ میں مذکورہ ضرورت کی وجہ سے ضرورت کے بقدر صفوں کے کنارے پر راستہ کی جگہ چھوڑنا جائز ہے، تاکہ اگلی صف والوں کو باہر آنے میں آسانی ہو، اور نمازی کے آگے سے گزرنے کا گناہ بھی نہ ہو، البته جن صفوں میں یہ راستہ چھوڑنے کی ضرورت نہ ہو، وہاں صفیں مکمل کرنی چاہییں۔ فقط واللہ اعلم
فتوی نمبر : 144208200077
دارالافتاء : جامعہ علوم اسلامیہ علامہ محمد یوسف بنوری ٹاؤن