سوال

اگر سفر شروع کرتے  وقت فجر نماز  کا  ٹائم ہو تو پھر نماز کیسے پڑھیں گے ؟

جواب

صورتِ  مسئولہ میں بہتر ہے کہ فجر کی نماز پڑھ کر سفر شروع کرلے، اگر جماعت کا انتظار کر سکتا ہے تو  یہ افضل ہے، اور اگر نہیں کر سکتا تو اپنے  رفقاء کے ساتھ باجماعت نماز پڑھ کر سفر شروع کرے،  رفقاء نہ ہوں تو انفرادی پڑھ لے، تاہم سفر کی وجہ سے نماز قضا نہ کرے، ورنہ گناہ گار ہوگا۔

نیز دورانِ سفر اگر فجر کی نماز پڑھنی ہو تو پوری نماز پڑھنی ہوگی، یعنی دو سنت اور دو فرض، فجر کی نماز میں قصر کا حکم نہیں ہے۔ فقط واللہ اعلم