سوال

کیا صدقہ فطر کو ضرورت کے تحت مؤخر کیا جاسکتا ہے؟

جواب

واضح  رہے کہ صدقہ فطر عید الفطر کی  نماز سے پہلے  پہلے ادا  کرنا مسنون ہے،بلا کسی عذر اس میں تاخیر کرنا درست نہیں ہے،اور ثواب سے محرومی کا باعث  اور مکروہ ہے۔تاہم اگر کوئی ایسا شرعی عذر لاحق ہوگیا کہ عید الفطر کی نماز سے پہلے ادا  نہیں کرسکا تو تاخیر کی صورت میں گناہ نہیں ہوگا۔

فتاوی ہندیہ میں ہے:

"والمستحب للناس أن يخرجوا الفطرة بعد طلوع الفجر يوم الفطر قبل الخروج إلى المصلى، كذا في الجوهرة النيرة."

فقط والله اعلم