1- پھوڑے یا یا دانے پر دم کرتے ہوئے پھوک مارنا زیادہ بہتر ہے یا پانی پر دم کرنا؟
2- دم کرنے کے بعد مریض کو صدقہ کرنے کا کہنا بہتر ہے یا نہیں؟
3- اگر مریض کو دم کرتے ہوئے پھونک مارنے سے تکلیف ہوتی ہو تو کیا کریں ؟
1- پھوڑے یا یا دانے پر دم کرتے ہوئے پھوک مارنا یا پانی پر دم کرنا، دونوں صورتیں جائز ہیں۔
2- بہتر ہے ، اس لیے کہ مریض کو صدقہ کرنے کا حکم حدیث مبارک میں ہے۔
3- صورتِ مسئولہ میں پھونک نہ ماریں ، بلکہ ویسے ہی دعا کردیں، پھونک مارنا کوئی ضروری نہیں ۔
صحیح بخاری میں ہے:
"دَاوُوا مَرضاكُمْ بِالصَّدقةِ." (صحيح الجامع:3358)
ترجمہ:صدقہ کے ذریعہ اپنے مریضوں کا علاج کرو۔
فقط واللہ اعلم
فتوی نمبر : 144203201424
دارالافتاء : جامعہ علوم اسلامیہ علامہ محمد یوسف بنوری ٹاؤن