سوال

 میرے والد صاحب کا انتقال ہو گیا ہےاور میری والدہ کی عمر 60 سال ہے، میری والدہ 1 ماہ 10 دن عدت کر رہی ہیں، میرا سوال یہ ہے کہ میری والدہ کو مزید عدت کرنی چاہیے یا نہیں؟

جواب

آپ کی والدہ محترمہ کو چار ماہ دس دن عدت گزارنا لازم ہے، بیوہ عورت کی عمر جتنی بھی ہو، اگر وہ حاملہ نہ ہو تو اس کی عدت چار ماہ دس دن ہی ہے، البتہ اگر وہ حاملہ ہو تو اس کی عدت بچے کی پیدائش تک ہوتی ہے۔

الدر المختار وحاشية ابن عابدين (رد المحتار) (3/ 510)

’’(و) العدة (للموت أربعة أشهر) بالأهلة لو في الغرة كما مر (وعشر) من الأيام.‘‘

فقط واللہ اعلم