سوال

میرے بیٹے اور میرے بھائی نے ہماری والدہ کا دودھ پیا ہے  اور دونوں کی عمر دو سال کم تھی ، اب پوچھنا یہ ہے کہ میرے  اس بیٹے کے لیے میرے مذکورہ بھائی کی بیٹی سے نکا ح کر نا چاہتا ہے کیا یہ نکاح شرعاً درست ہے ؟ اگر میرے دوسر ے بیٹے سے نکاح کرانا چاہے تو نکاح درست ہے یا نہیں ؟

جواب

صورت مسئولہ میں سائل کا مذکورہ بیٹا جس نے سائل کے بھائی کے ساتھ سائل کی والدہ یعنی اپنی داد ی کا دودھ پیا ہے یہ دونوں آپس میں رضاعی بھائی بن گئے ہیں،  لہذا سائل کے مذکورہ بیٹے کا اپنے  رضاعی بھائی کی بیٹی سے نکاح کرنا جائز نہیں ، البتہ سائل کے دوسرے بیٹے کا اپنے چچا کی  بیٹی سے نکاح شرعاً درست ہے ۔ 

فتاوی ہندیہ میں ہے : 

"کل من تحرم بالقرابۃ والصھریۃ تحرم بالرضاع"۔

(ہندیہ  ج:1/ 277 ) 

فقط واللہ اعلم