سوال

رضاعی اولاد اور رضاعی بہن بھائیوں کے کیا حقوق ہیں؟ جو حقوق نسبی رشتوں کے ہیں وہی حقوق رضاعی رشتے کے ہیں ؟

جواب

واضح رہے کہ رضاعت کی صورت میں ویسے ہی رشتے بنتے ہیں جیسے نسب سے بنتے ہیں، لہذا جس کا دودھ پیا ہو وہ عورت رضیع( دودھ پینے والے) کی ماں اور اس کا شوہر رضیع کا باپ اور اس کی اولاد رضیع کی بھائی بہن، رضاعی باپ کے بھائی بہن رضیع کے چچا، پھوپھیاں اور رضاعی ماں کے بھائی بہن رضیع کے ماموں اور خالہ بن جاتے ہیں، رضاعی بھائی بہنوں کی اولاد بھتیجے اور بھانجے بن جاتے ہیں۔الغرض  جس عورت کا دودھ پیا گیا ہے اس کی تمام اولاد ہی دودھ پینے والے کے بھائی بہن بن چکے  ہیں،      لہذا دینِ اسلام نے صلۂ رحمی اور رشتہ داروں کے ساتھ حسنِ سلوک کا درس دیا ہے اور اس سلسلے میں سگے اور سوتیلے کی کوئی تفریق نہیں کی، بلکہ کسی بھی نسبت سے بننے والے رشتوں کو نبھانے اور ان سے اخلاق سے پیش آنے کا حکم دیا ہے،حضور ﷺ  کی رضاعی بہن   حضرت شیماء بنت حارث (رضی اللہ عنہا)  کو  مسلمانوں نے  گرفتار کرتے وقت جنگی سختی سے کام لیا، اس وقت وہ بڑی عمر کی تھیں، انہوں نے لشکریوں سے کہا: " جانتے نہیں ہو، میں تمہارے صاحب کی رضاعی بہن ہوں، میرے ساتھ ادب سے بات کرو" ، لیکن سپاہیوں کو یقین نہ آیا، انہیں آں حضرت ﷺ  کی خدمت میں لے آئے، آپ ﷺ نے انہیں پہچان لیا اور دیکھ کر فرطِ محبت سے آپﷺ کی آنکھوں میں آنسو بھر آئے، اپنی چادر مبارک حضرت شیماء  کے بیٹھنے کے لیے بچھادی، محبت کی باتیں کیں اور فرمایا! " اے بہن تم میرے یہاں رہنا چاہو تو تمہارا گھر ہے اور اگر واپس جانا چاہو  تب بھی مجھے اصرار نہیں،   لہذا رضاعی  رشتے دار بھی اسی طرح ہیں جس طرح  نسبی رشتے دار ہیں  ان کے بھی وہ ہی حقوق ہیں  جس طرح نسبی رشتے داروں کے حقوق ہیں  ، البتہ یہ یاد رہے کہ میراث کا حق نسبی رشتہ میں ہوتا ہے، رضاعی رشتہ سے کوئی شخص میراث کا حق دار نہیں  ہو تا ہے ۔

قرآنِ مجید میں اللہ تعالیٰ کا ارشاد ہے:

تنویر الابصار مع الدر المختار میں ہے : 

"(فيحرم منه) أي بسببه (ما يحرم من النسب) ".

(كتاب النكاح ، باب الرضاع،3/ 213،سعيد)

تنویر الابصار مع الدر المختار  میں ہے :

"(ويستحق الإرث)۔۔۔۔(برحم ونكاح)۔۔ (وولاء)۔۔۔۔(فيبدأ بذوي الفروض)۔۔(ثم بالعصبات)۔۔۔ (النسبية) لأنها أقوى".

(کتاب الفرائض،764/763/6،سعید)

فقط والله اعلم