سوال

روزےکی حالت میں کھٹی ڈکارآجائےجب کہ اس کاذائقہ بڑی دیرتک حلق میں موجودرہے، اس صورت میں روزےکاکیاحکم ہے؟

جواب

روزے کی حالت میں محض کھٹی ڈکار آنے سے روزے پر کوئی اثر نہیں پڑتا، اگر ڈکار سے کھٹا پانی وغیرہ حلق تک آیا، منہ میں نہیں آیا، اور اندر ہی اندر نگل لیا یا حلق سے اوپر آیا اور غیر ارادی طورپر خود بخود اندر چلا گیا تو روزہ فاسد نہیں ہوگا۔ البتہ اگر ڈکار کے ساتھ  کھانا وغیرہ منہ بھر کر آگیا اور منہ میں آجانے کے بعد  پھر اس کو اپنے قصد وارادے سے نگل لیا تو روزہ فاسد ہوجائے گا، خواہ تھوڑی ہی مقدار  کیوں نہ نگلا ہو ، بشرطیکہ نگلے ہوئے کی مقدار چنے کے دانے کی مقدار سے کم نہ ہو، اس  روزے  کی قضا لازم ہوگی،  کفارہ نہیں۔

  فقط واللہ اعلم