سوال

 کیا انڈوسکوپی کرانے سے روزہ ٹوٹ جاتا ہے ؟

جواب

 اگر انڈوسکوپی کے لئے جس کیمرے کو حلق کے ذریعہ داخل کیا جاتا ہے، اگر اس پر کوئی دوا نہ لگی ہو اور کوئی چیز پیٹ میں باقی نہ رہ جاتی ہو، اور جو چیزیں داخل کی گئیں ہیں سب واپس نکل آئیں تو روزہ نہیں ٹوٹے گا، اس لئے کہ فقہاء نے صراحتاً لکھا ہے کہ اگر کوئی چیز ڈوری میں باندھ کر اندر ڈالی جائے، تو جب تک ڈور ہاتھ میں رہے گی اور اندر گئی ہوئی چیز کے اجزاء بعینہٖ باقی رہیں گے، اس وقت تک روزہ کے فساد کا حکم نہ ہوگا۔ لیکن اگر  انڈو سکوپی میں پیٹ  میں دوا بھی جاتی ہو اور نلکی کے ساتھ واپس نہیں آتی تو انڈو سکوپی کرانے سے روزہ ٹوٹ جائے گا۔

بدائع الصنائع میں ہے:

"وما وصل إلى الجوف أو إلى الدماغ عن المخارق الأصلية كالأنف والأذن والدبر بأن استعط أو احتقن أو أقطر في أذنه فوصل إلى الجوف أو إلى الدماغ فسد صومه، أما إذا وصل إلى الجوف فلا شك فيه لوجود الأكل من حيث الصورة.… وكذا قالوا فيمن ابتلع لحما مربوطا على خيط ثم انتزعه من ساعته؟ إنه لا يفسد وإن تركه فسد."

(بدائع الصنائع، كتاب الصوم، 93/2، دارالكتب العلمية)

فتاویٰ ہندیہ میں ہے:

"ومن ابتلع لحما مربوطا على خيط ثم انتزعه من ساعته لا يفسد، وإن تركه فسد كذا في البدائع."

( الفتاویٰ الهندية، كتاب الصوم،الباب الرابع فيما يفسد وما لا يفسد، 204/1، رشيدية)

فقط والله اعلم