سحری کے بعد اگر کوئی سو جاۓ ۔ اور سونے میں بھی خواب میں دیکھے کہ رمضان کا مہینہ ہے، اور اس خواب میں جان بوجھ کر خود پر غسل واجب کر دیاہے، پھر جب آنکھ کھلی ، تو اصل میں غسل واجب ہو گیا تھا، اس حالت میں روزے کا کیا حکم ہے ؟
صورتِ مسئولہ میں روزہ داراگر دن میں سویا اوراسے احتلام ہوگیا، تواس کا روزہ فاسد نہیں ہوگا، بلکہ روزہ صحیح ہے۔
البحر الرائق میں ہے:
"أو احتلم أو أنزل بنظر أي لا یفطر لحدیث السنن لا یفطر من قاء ولا من احتلم ولا من احتجم."
( کتاب الصوم، باب ما یفسد الصوم و ما لایفسدہ، ج: 2 ص:293 ط:ایچ ایم سعید)
فقط واللہ اعلم
فتوی نمبر : 144309100166
دارالافتاء : جامعہ علوم اسلامیہ علامہ محمد یوسف بنوری ٹاؤن