سوال

1. روزہ کی قضا، کفارہ اور فدیہ میں فرق کی وضاحت کر دیجئے۔

جواب

رمضان کا روزہ نہ رکھنے یا رکھ کر توڑدینے، اسی طرح نفلی روزہ رکھ کر توڑ دینے سے روزے کی قضا لازم ہو جاتی ہے۔رمضان کا روزہ رکھ کر جان بوجھ کر کھا پی کر، یا ہمبستری کر کے روزہ توڑ دینے سے قضا کے ساتھ کفارہ بھی لازم ہو جاتا ہے۔ یہ کفارہ مسلسل ساٹھ روزےرکھنے کی صورت میں ادا ہوتا ہے۔مسلسل بیماری یابڑھاپے کی وجہ سے چھوٹ جانے والے روزے کی قضا نہ کرنے کی صورت میں اس روزے کے بدلے فدیے کی ادائیگی لازم ہوتی ہے۔ اس فدیے کی مقدار ایک صدقۃ الفطر ہے