روزے میں وه فعل جس کی وجہ سے کفاره بھی لازم آتا ہو اس فعل کا ارتكاب کیا اور معلوم نہیں تھا کہ اس سے کفاره بھی لازم آتا ہے اور روزه بھی ٹوٹ جاتا ہے تو کیا اس صورت میں بھی کفاره لازم آئے گا؟
واضح رہے کہ مسلمانوں کے ملک میں رہتے ہوئے دینی مسائل کا علم نہ ہونا کوئی عذر نہیں ہے، لہٰذا روزے کی حالت میں ایسا فعل جس کے ارتکاب سے کفارہ کا حکم ہے ، لاعلمی میں کرنے سے بھی کفارہ لازم آتاہے، لہٰذا جس شخص سے ایسا فعل سرزد ہوا اسے استغفار کرنے کے ساتھ ساتھ کفارہ بھی ادا کرنا ہوگا۔ فقط واللہ اعلم
روزے کے کفارے کی تفصیل کے لیے درج ذیل لنک ملاحظہ کیجیے:
فتوی نمبر : 144209200405
دارالافتاء : جامعہ علوم اسلامیہ علامہ محمد یوسف بنوری ٹاؤن