اگر روزہ رکھا اس حال میں کہ کپڑوں پر چھیننے لگے ہوں تو روزہ کا کیا حکم ہوگا؟
صورتِ مسئولہ میں کپڑے ناپاک ہونے کی وجہ سے روزے پر کوئی اثر نہیں پڑے گا، روزہ صحیح ہوگا، تاہم کپڑے پاک کرنے میں تاخیر نہیں کرنی چاہیے؛ تاکہ نماز قضا نہ ہو۔
نیز پیشاب کرتے وقت چھینٹوں سے بچنے کا خوب اہتمام کرنا چاہیے، اس سلسلے میں بے احتیاطی عذابِ قبر کا باعث ہے، رسول اللہ صلی اللہ علیہ وسلم کا ارشاد ہے کہ : پیشاب سے بچا کرو، کیوں کہ عام طور پر عذابِ قبر اسی سبب سے ہوتا ہے۔
بلوغ المرام من أدلة الأحكام للعسقلاني میں ہے:
"102 - وعن أبي هريرة - رضي الله عنه - قال: قال رسول الله صلى الله عليه وسلم: «استنزهوا من البول، فإنّ عامّة عذاب القبر منه». رواه الدارقطني."
(كتاب الطهارة، باب قضاء الحاجة، 1 / 80، ط: دار القبس للنشر والتوزيع، الرياض)
فقط واللہ اعلم
فتوی نمبر : 144209201497
دارالافتاء : جامعہ علوم اسلامیہ علامہ محمد یوسف بنوری ٹاؤن