سوال

اگر رمضان کے فرض روزے کے درمیان حیض (ماہواری) کا آغاز ہو جائے (جیسے ظہر کے بعد)ایسی صورت میں روزے کا کیا حکم ہے؟

جواب

روزے کی حالت میں اگر مغرب سے پہلے پہلے کسی بھی وقت عورت کو حیض آجائے تو اس کی وجہ سے روزہ فاسد ہوجائے گا، اسے چاہیے کہ کچھ کھالے یا پی لے؛ کیوں کہ اس حالت میں شرعاً روزہ رکھنا درست نہیں ہے، لہٰذا اس کے لیے روزے دار کی طرح بھوکا پیاسا رہنے کا حکم نہیں ہے۔ رمضان المبارک کے بعد ان ایام کے روزوں کی قضا رکھنا لازم ہوگا۔ فقط واللہ اعلم