سوال

میں نے روزے کی حالت میں کئی بار مشت زنی کی ہے تو کیا میرے سارے روزے جو میں نے رکھے تھے وہ ٹوٹ گئے ہیں  اور اگر ٹوٹ گئے ہیں  تو اس کا کیا حکم ہے؟

جواب

صورت مسئولہ میں آپ نے جن روزوں میں یہ فعل قبیح کیا ہے اس کی وجہ سے آپ کے وہ تمام روزے ٹوٹ  گئے ہیں ،ان  روزوں کی قضا آپ پر لازم ہے یعنی ہر ایک روزہ کے بدلہ میں ایک روزہ رکھنا لازم ہے ،کفارہ لازم نہیں ۔

فتاوی شامی میں ہے :

"(قوله: وكذا الاستمناء بالكف) أي ‌في ‌كونه ‌لا ‌يفسد لكن هذا إذا لم ينزل أما إذا أنزل فعليه القضاء كما سيصرح به وهو المختار".

(کتاب الصوم ،باب ما یفسد الصوم ،ج:2،ص:399،سعید)

فقط واللہ اعلم