اگر کسی کو بیماری ہو کہ سرین دھوتے وقت پانی سوراخ سے اندر جاتا ہو تو رمضان میں اس شخص کا روزہ ٹوٹے گا یا نہیں؟
واضح رہے کہ استنجا کرنے سے روزہ اس وقت ٹوٹتا ہے جب پانی مقعد کے اندرونی مقام تک پہنچ جائے اور عام طور پر استنجا میں ایسا ہوتا نہیں، اس لیے معمول کے استنجا سے روزہ نہیں ٹوٹتا، لہذا صورتِ مسئولہ میں مذکورہ شخص کو چاہیے کہ روزہ كي حالت مىں استنجا میں مبالغہ نہ کرے، مبالغہ کیے بغیر پانی اندر داخل نہیں ہو گا، اگر مبالغہ کرنے کی وجہ سے پانی اندرونی مقام تک پہنچ گیا تو وضو ٹوٹ جائے گا۔
الدر المختار وحاشية ابن عابدين (2 / 397):
"و لو بالغ في الاستنجاء حتى بلغ موضع الحقنة فسد، و هذا قلّما يكون، و لو كان فيورث داء عظيمًا."
فقط و الله اعلم
فتوی نمبر : 144212202282
دارالافتاء : جامعہ علوم اسلامیہ علامہ محمد یوسف بنوری ٹاؤن