اگر فرض روزوں کی قضا کے دوران حیض آجائے تو کیا اس روزہ کی بھی قضا ہوگی؟
واضح ہو کہ روزوں سمیت فرض عبادات کا ذمہ بندے سے دو صورتوں میں ہٹتا ہے؛ یا تو اپنے وقت میں اسے ادا کیا جائے یا بعد میں اس کی قضا کی جائے۔
صورتِ مسئولہ میں قضا روزے کے دوران چوں کہ حیض آگیا تو شرعاً اس کی قضا مکمل نہیں ہوئی، لہذا مذکورہ روزہ رکھنا اب بھی ذمہ میں باقی ہے لہذا جس روزے کی قضا کے دوران حیض آجائے، پاکی کے دنوں میں اس فرض روزے کی ایک روزہ رکھ کر دوبارہ قضا کرنا ہوگی۔
بدائع الصنائع میں ہے :
"وما أوجبه الله - تعالى عز شأنه - على عباده ابتداء لا يسقط عنه إلا بالأداء أو بالقضاء كذا هذا والله - تعالى عز شأنه - أعلم."
(كتاب النذر، فصل في حكم النذر، ۵ ؍ ۹۵، ط : دار الکتب الاسلامیه)
فقط واللہ اعلم
فتوی نمبر : 144311100723
دارالافتاء : جامعہ علوم اسلامیہ علامہ محمد یوسف بنوری ٹاؤن