سوال

 دریا میں نہاتے ہوئے غوطہ لگانے سے روزے پر کوئی اثر پڑتا ہے یا نہیں؟ پڑتا ہے تو کفارہ لازم آتا ہےیا ناک اور کان پر انگلیاں رکھتے ہوئے غوطہ  لگائے جائے تو اس کا کیا حکم ہے اور اگر اگر ناسمجھی  میں اس سے پہلے بھی کئی دفعہ روزوں میں غوطہ لگایا  ہو تو اس کا کیا حکم ہے؟

جواب

روزے کی حالت میں دریا،نہر یا سوئمنگ پول میں غوطہ لگانے سے روزہ نہیں ٹوٹتا، بشرطیکہ پانی   منہ یا ناک کے راستے سے  حلق سے نیچے نہ اترے ، ورنہ  روزہ ٹوٹ جائے گا اور صرف قضا لازم ہوگی اور اگر غوطہ لگانے کے بعد اپنے ارادہ سے پانی حلق سے پیٹ میں اتار لیا تو روزے کی قضا کے ساتھ کفارہ بھی لازم ہوگا، لہٰذا جو شخص تیراکی اچھی طرح نہ جانتا ہو اسے روزے کی حالت میں احتیاط کرنی چاہیے۔ فقط واللہ اعلم