کیا روزے کی حالت میں کان میں کان صاف کرنے والا تیلا مار سکتے ہیں؟
کان صاف کرنے والی سلائی( Cotton ear buds) سے کان کی صفائی کرنے سے روزہ فاسد نہیں ہوتا،اگر ایک مرتبہ کان میں تنکا ڈالنے سے تنکے پر میل ظاہر ہوا اور پھر اس تنکے کو کان میں ڈالا اور اس طرح کئی مرتبہ کیا تو بھی روزہ فاسد نہیں ہو گا، البتہ دوا یا تیل کان کے اندر ڈال کر صفائی کرنے سے روزہ فاسد ہوجاتا ہے۔
فتاوی شامی میں ہے:
"لو حك أذنه بعود ثم أخرجه وعليه درن ثم أدخله ولو مرارا ........ (لم يفطر)."
(کتاب الصوم، باب ما یفسد الصوم وما لا یفسدہ، 396/2 ط: سعید)
فقط واللہ اعلم
فتوی نمبر : 144308102011
دارالافتاء : جامعہ علوم اسلامیہ علامہ محمد یوسف بنوری ٹاؤن