سوال

روزہ کا کفارہ کیا ہے؟

جواب

جس شخص پر رمضان المبارک کے روزے فرض ہوں، اگر رمضان المبارک کے مہینے میں جان بوجھ کر روزہ توڑدے تو اس کا کفارہ یہ ہے کہ اس روزے کی قضا رکھنے کے علاوہ مزید  ساٹھ روزے مسلسل رکھے جائیں، اگر درمیان میں ایک روزہ بھی رہ جائے تو از سرِ نو رکھنا لازم ہوں گے،  اگر بیماری یا بڑھاپے وغیرہ کی وجہ سے ساٹھ مسلسل روزے رکھنے کی  قدرت نہ ہو تو ساٹھ مسکینوں کو صدقہ فطر کی مقدار غلہ یا اس کی قیمت دینا لازم ہے،  ایک صدقہ فطر کی مقدار   پونے دو کلو   گندم یا اس کی قیمت  ہے۔

ایک مسکین کو ساٹھ دن صدقہ فطر  کے برابر غلہ وغیرہ دیتا رہے یا ایک ہی دن ساٹھ مسکینوں میں سے ہر ایک کو صدقہ فطر کی مقدار دےدے ،  دونوں جائز ہے۔ صدقہ فطر کی مقدار غلہ یا قیمت  دینے کے بجائے اگر ساٹھ مسکینوں کو ایک دن صبح وشام، یا ایک مسکین کو ساٹھ دن صبح وشام کھانا کھلادے، تو بھی کفارہ ادا ہوجائےگا۔ فقط واللہ اعلم