سوال

غسل فرض ہونے کی صورت میں اگر روزہ رکھ لیاہو اور فجر کی نماز کا وقت بھی گزر گیا ہو اور غسل نہ کیا ہو تو کیا روزہ ہو جائے گا؟

جواب

حالتِ جنابت میں سحری کھانا جائز ہے، البتہ فجر کی نماز قضا ہونے سے پہلے غسل کر کے فجر کی نماز پڑھنا فرض ہے، بلکہ سحری کے فورًا بعد غسل کر کے فجر کی نماز باجماعت ادا کرنی چاہیے۔

اگر کوئی جنابت کی حالت میں سحری کر کے فجر کی نماز قضا ہونے کے بعد غسل کرے تو اس کا یہ فعل ناجائز اور گناہ کا باعث ہے، البتہ روزہ ادا ہوجائے گا، اگرچہ نماز قضا کرنے کی وجہ سے روزہ کی مکمل برکات سے محروم رہے گا۔

فتاوی شامی میں ہے:

"(أو أصبح جنبًا و) إن بقي كل اليوم ... (لم يفطر)".

(کتاب الصوم، باب مایفسد الصوم ومالا یفسده، جلد 2 ص:400 ط: سعید)

فتاوی ھندیہ میں ہے:

"الجنب إذا أخر الاغتسال إلى وقت الصلاة لايأثم، كذا في المحيط".

(کتاب الطهارة، الباب الثالث في المياه وفيه فصلان، الفصل الأول فيما يجوز به التوضؤ ، جلد 1 ص:16 ط: دار الفکر)

فقط واللہ اعلم