سوال

 روزہ سحری اذان پر بند کر ہے کہ اذان سے پہلے بند کرنا ہے جو انتہائی سحری کا وقت کہلاتا ہے جو tv پر نشر ہو ہے، مثلاً سحری کا وقت 3:45ہے اور اذان 3:55 پر شروع ہوتی ہے تو سحری کس پر بند کریں؟

جواب

سحری کا وقت صبحِ صادق تک ہوتا ہے اور صبح صادق کے ساتھ سحری کا وقت ختم ہوجاتا ہے اور فجر کا وقت شروع ہو جاتا ہے، اور جب فجر کا وقت داخل ہوجائے تو  کھانا پینا جائز نہیں،اگر چہ فجر کی اذان نہ ہوئی ہو اور اگر فجر کا وقت داخل نہیں ہوا ہے تو کھانا پینا جائز ہے اگر چہ فجر اذان ہوگئی ہو،  بہرحال اصل مدار وقت پر ہے، اذان تو وقت کی علامت ہے.  جیسا کہ باری تعالی کا فرمان ہے:

﴿ كُلُوْا وَ اشْرَبُوْا حَتّٰی يَتَبَيَّنَ لَكُمُ الْخَيْطُ الْاَبْيَضُ مِنَ الْخَيْطِ الْاَسْوَدِ مِنَ الْفَجْرِ ثُمَّ اَتِمُّوا الصِّيَامَ اِلَی الَّيْلِ ﴾ [البقرة:187]

فجر کا وقت چوں کہ  صبح صادق کے بعد ہوتا ہے، اور فجر کی اذان صبح صادق کے بعد دی جاتی ہے، لہذا سحری کا وقت اگر  (مثلاً) 3:45 پر ختم ہورہا ہے تو  اس سے پہلے کھانا پینا  بند کرنا ضروری ہے،  3:55 تک کھانے کی اجازت نہیں ہے۔ فقط واللہ اعلم