ریمن نوڈلز کے بارے میں پوچھنا تھا کہ وہ حلال ہے کیا؟(Ramen Noodles)
کسی چیز کے اجزاء کے بارے میں جب تک مکمل تحقیق نہ ہو، اس وقت تک اس کے حلال یا حرام ہونے کا حتمی حکم نہیں بتایا جاسکتا۔
البتہ اصولی جواب یہ ہے کہ اگر اس نوڈلز یا اس کے پاؤڈر میں کوئی حرام یانجس چیز شامل نہ ہو تو اس کا کھانا جائز ہوگا اور اگر اس میں کوئی حرام یا نجس چیز شامل ہو تو اس کا کھانا جائز نہ ہوگا، اور محض شک کی بنیاد پر کسی چیز کو حرام قرار نہیں دیا جاسکتا، لہذا اس کی تحقیق کرلی جائے یا کسی حلال تصدیقاتی ادارے (مثلاً: سنہا : sanha) سے رابطہ کرکے معلوم کرلیا جائے۔فقط واللہ اعلم
فتوی نمبر : 144207200863
دارالافتاء : جامعہ علوم اسلامیہ علامہ محمد یوسف بنوری ٹاؤن