میری بیوی نے ایک لڑکی کو دودھ پلایا تھا اور اس لڑکی کی ماں نے میرے ایک بیٹے کو دودھ پلایا تھا، میرا وہ بیٹا فوت ہو گیا اور اس لڑکی کی شادی ہو گئی۔ مسئلہ یہ ہے کہ میں اپنے دوسرے بیٹے کی شادی اس لڑکی کی کسی اور بہن سے کرانا چاہتا ہوں، کیا صورتِ مسئولہ میں ایسا کرنا جائز ہے؟
اگر آپ اپنے بیٹے کی شادی ایسی لڑکی سے کرنا چاہتے ہیں جس لڑکی اور آپ کے بیٹے نے ایک ہی عورت کا دودھ نہیں پیا (جیساکہ سوال سے یہی معلوم ہورہاہے) تو ان دونوں کا نکاح آپس میں جائز ہے۔
بدائع الصنائع في ترتيب الشرائع (4/ 2):
"والأصل في ذلك أن كل اثنين اجتمعا على ثدي واحد صارا أخوين أو أختين أو أخا وأختا من الرضاعة فلا يجوز لأحدهما أن يتزوج بالآخر ولا بولده."
فقط واللہ اعلم
فتوی نمبر : 144207201304
دارالافتاء : جامعہ علوم اسلامیہ علامہ محمد یوسف بنوری ٹاؤن