بال مبارک صلی اللہ علیہ وسلم کی کیا حقیقت ہے ؟ دنیا میں بے شمار لوگوں کےپاس بال مبارک موجود ہیں، کیا وہ سب حقیقی ہیں ؟
اگر کسی بال کے متعلق سند اور تحقیق کے ساتھ ثابت ہوجائے کہ یہ رسول اللہ ﷺ کا موئے مبارک ہے، تو بلاشبہ وہ بال مبارک دنیا و مافیہا سے بدرجہا بہتر ہے، لیکن سند اور تحقیق کے بغیر کسی بال کے متعلق یہ کہنا کہ یہ رسول اللہ ﷺ کا بال ہے، ہرگز درست نہیں ہے۔
چنانچہ تحقیق کے بغیر کسی بال سے متعلق کوئی فیصلہ کرنا یا اُس پر کوئی حکم لگانادرست نہ ہو گا، ہاں! اگر سند سے ثابت ہو جائے کہ یہ بالِ مبارک رسول اللہ صلی اللہ علیہ وسلم سے منسوب ہے تو وہ لائقِ ہزارہا تعظیم و اِکرام ہو گا۔
مزید تفصیل کے لیے درج ذیل لنک ملاحظہ کریں:
فقط واللہ اعلم
فتوی نمبر : 144208200631
دارالافتاء : جامعہ علوم اسلامیہ علامہ محمد یوسف بنوری ٹاؤن