بِسْمِ اللَّهِ الرَّحْمَنِ الرَّحِيم

17 رمضان 1445ھ 28 مارچ 2024 ء

دارالافتاء

 

رسم بسم اللہ کی شرعی حیثیت


سوال

رسمِ بسم اللہ کی شرعی حیثیت کیا ہے ؟ نیز   اس تقریب میں شرکت کرنا کیسا ہے؟

جواب

جامعہ کے  دارالافتاء سے جاری شدہ ایک  سابق فتوی میں  ہے:

’’مروجہ "رسمِ بسم اللہ"  کا ثبوت ، شریعت سے نہیں ہے، تاہم اگر بچے کو تعلیم میں شوق بڑھانے اور اللہ کی نعمت پر شکریہ ادا کرنے کے لیے حسبِ استطاعت کچھ انتظام کیا جائے تو جائز ہے اور اس میں شرکت بھی کرسکتے ہیں، البتہ اس رسم کو ضروری اور لازمی سمجھا جاتا ہو اوراستطاعت نہ ہونے کی صورت میں قرضہ وغیرہ لے کر انتظام کیا جاتا ہو تو یہ بدعت میں شامل ہوکر حرام ہوگا، اور اس میں شرکت کرنا بھی جائز نہ ہوگا؛ کیوں کہ بدعت کے معنی ہیں: کسی نئی بات کو  جس کی شریعت میں کوئی اصل نہ ہو، دین اور باعثِ ثواب جان کر کرنا، حدیث میں ہے: 

"كل بدعة ضلالة، و كل ضلالة في النار." 

کیوں کہ بدعت سے یہ بات ثابت ہوتی ہے کہ دینِ اسلام جس کو اللہ پاک نے حضرت محمد صلی اللہ علیہ وسلم پر مکمل کرلیا ہے، وہ مکمل نہیں ہوا، ابھی کچھ ناقص ہے، لہذا جس آدمی کا یہ عقیدہ ہوگا، وہ گم راہ ہوگا۔ فقط واللہ اعلم

الجواب صحیح                                                                                                                                                                                                                                                                                                                          کتبہ

محمد عبد السلام                                                                                                                                                                                                                                                محمد انعام الحق  (14/5/1409)


فتوی نمبر : 144207200411

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں