سوال

رمضان میں ماہواری کا 10 دن سے زیادہ ہو جانا اور رمضان سے پہلے بھی کبھی 8 یا 10 ہوتی تھی، لیکن رمضان میں 10 دن سے زیادہ ہوگئے، پر ابھی بھی خون آتا ہے، کیا اس دوران روزے اور نماز قائم کر سکتے ہیں؟

جواب

صورتِ مسئولہ میں جب خون عادت کے ایام پر بند نہیں ہوا اور دس دن سے بھی زیادہ جاری رہا تو آپ کی ماہواری کی عادت جتنے دنوں کی ہے (اگر متعین نہیں ہے تو  اس سے پہلے مہینے جتنے دن خون آیا تھا) اتنے دن  ماہواری شمار ہوں گے، اور اس کے بعد کے تمام ایام جب تک خون مکمل بند نہیں ہو جاتا استحاضہ(بیماری) کے ہیں، جن میں روزہ رکھنا اور  نماز ادا کرنا آپ پر فرض ہے، اور دیگر عبادات بھی کرسکتی ہیں۔ تاہم ان دنوں میں (جب مسلسل خون جاری رہےتو ) ہر نماز کے وقت داخل ہونے کے بعد آپ کو نیا وضو کرنا ضروری ہوگا اور اس وضو سے اس نماز کے وقت میں جتنی عبادات کرنا چاہیں کرسکتی ہیں۔

الفتاوى الهندية (1/ 39):

"انتقال العادة يكون بمرة عند أبي يوسف، وعليه الفتوى. هكذا في الكافي.

فإن رأت بين طهرين تامين دماً لا على عادتها بالزيادة أو النقصان أو بالتقدم والتأخر أو بهما معاً انتقلت العادة إلى أيام دمها حقيقياً كان الدم أو حكمياً، هذا إذا لم يجاوز العشرة، فإن جاوزها فمعروفتها حيض وما رأت على غيرها استحاضة فلا تنتقل العادة، هكذا في محيط السرخسي". فقط والله أعلم