کیا ایسی کوئی روایت ہے کہ رمضان کی تاریخ کی خبر جو کوئی پہلے دے گا، اس پر دوزخ کی آگ حرام ہے؟
رمضان کی سب سے پہلے دوسروں کو خبر دینے سے متعلق جو فضیلت عوام میں مشہور ہے کہ ”جس نے سب سے پہلے رمضان المبارک کی خبردی اس پر دوزخ کی آگ حرام ہے“ ، یہ بات احادیث پر لکھی گئی کتب میں بھی نہیں ملتی، اس لیے اس کی نسبت رسول اللہ صلی اللہ علیہ وسلم کی طرف کرنا درست نہیں ہے، رسول اللہ صلی اللہ علیہ وسلم کی طرف کسی بات کو غلط منسوب کرنا یعنی جو بات آپ صلی اللہ علیہ وسلم نے نہیں فرمائی، اس کے بارے میں یہ کہنا کہ یہ رسول اللہ صلی اللہ علیہ وسلم کا فرمان ہے، بڑا سخت گناہ ہے۔
فقط واللہ اعلم
فتوی نمبر : 144205200477
دارالافتاء : جامعہ علوم اسلامیہ علامہ محمد یوسف بنوری ٹاؤن