سوال

کیا رمضان المبارک میں طلاق دینے سے طلاق ہو جاتی ہے؟

جواب

طلاق واقع ہونے کے لیے شرعاً شوہر کی جانب سے بیوی کی طرف طلاق کی نسبت کرکے طلاق دینا ضروری ہے، پس اگر شوہر بیوی کی طرف طلاق کی نسبت کرکے دے دے تو طلاق واقع ہوجاتی ہے، خواہ کوئی سا بھی مہینہ ہو، اور بیوی کی کوئی بھی حالت ہو، یعنی پاک ہو، یا ماہواری میں ہو، یا حمل سے ہو، لہذا صورتِ مسئولہ میں ماہ رمضان میں طلاق دینے سے  واقع ہوجائے گی۔ فقط واللہ اعلم