سوال

اس وقت جو مہندی رائج ہے، اس میں کھال تک پانی کے پہنچنے میں شبہ ہے؛ اس لیے اس کو لگانے کے بعد وضو ہو جاتا ہے یا نہیں؟

جواب

مہندی لگانے کے بعد وہ تر یا خشک حالت میں تہہ کی صورت میں جسم پر موجود ہو، تو  ایسی حالت میں وضو  صحیح ہونے کے لیے پانی جسم تک پہنچانا ضروری ہوگا، اگر پانی جسم تک پہنچ جائے تو وضو ہوگا، ورنہ نہیں۔

تاہم مہندی لگاکر ہاتھ وغیرہ دھونے کے بعد  مہندی کا جو رنگ آتاہے وہ عموماً پانی جسم تک پہنچنے سے مانع نہیں ہوتا، لہٰذا موجودہ دور کی مہندی کا رنگ لگا ہونے کی حالت میں بھی وضو ہوجائے گا، اگرچہ رنگ اترتے وقت جھلی کی صورت میں اترے۔ فقط واللہ اعلم