سوال

رامین ۔ رابیل۔ماہین نام کا مطلب کیاہے؟

جواب

رابیل کا معنیٰ عربی، اردو اور فارسی لغات میں نہ مل سکا، ممکن ہے کسی دوسری زبان کا لفظ ہو، لیکن جب معنیٰ معلوم نہ ہو تو بہتر ہے کہ "رابیل" کو نام کا حصہ نہ بنایا جائے۔

’’رامین‘‘  نام رکھنا درست ہے جیسا کہ یہ ایک شافعی فقیہ کے پر دادا کا نام بھی تھا، البتہ یہ نام لڑکے کا ہے۔

مفرد لفظ ہونے کے اعتبار سے تو اس کا مطلب نہیں معلوم ہوسکا، البتہ یہ جمع کا لفظ ہوسکتا ہے جس کا معنی ہوگا "ارادہ کرنے والے" یا "تیر اندازی کرنے والے"۔

ماہین فارسی زبان کا لفظ ہے، جس کے معنی چاند کی مانند، حسین و جمیل خاتون کے آتے ہیں، یہ نام رکھ سکتے ہیں۔

زياده مناسب يه هے كه لڑکے کا نام انبياء عليهم السلام اور صحابه كرام ر ضوان الله تعالي عنهم اجمعين كے ناموں ميں سے کسی نام  پر رکھا جائے، اور لڑکی کا نام صحابیات رضی اللہ عنہن کے نام پر رکھا جائے۔

تاج العروس میں ہے :

"(و) القاضي (الحسن بن الحسين) بن محمد (بن رامين) الاستراباذي، (فقيه) شافعي حدث عن عبد الله بن محمد بن الحميدي الشيرازي، وعنه أبو بكر الخطيب، أورد ابن عساكر من طريقه مسلسلاً ينتهي إلى إبراهيم بن أدهم، رضي اللها تعالى عنه قرأته في تاريخه".

 (35 / 115)

فقط والله اعلم