کیا قربانی کے جانور کی کھال کو دفن کرنا جائز ہے ؟
قربانی کے جانور کی جو اشیاء قابلِ استعمال ہوں، مثلاً گوشت، کھال وغیرہ، اگر خود استعمال نہ کرنی ہوں تو کسی اور کو دے دیا جائے، اسے دفن کرنا ضیاعِ مال ہونے کی وجہ سے ناجائز ہے؛ لہذا چمڑا دفن کرنے کی بجائے کسی کو ہدیہ دے دیا جائے یا دینی مدارس کو دے دی جائے یا اس کو فروخت کرکے اس کی رقم کسی مستحق زکوۃ کو دے دی جائے۔ (مستفاد از امداد الاحکام ۴/۲۰۰،کتاب الصید، ط:مکتبہ دارالعلوم )۔ فقط واللہ اعلم
فتوی نمبر : 144112200681
دارالافتاء : جامعہ علوم اسلامیہ علامہ محمد یوسف بنوری ٹاؤن