سوال

قربانی کے گوشت کو قربانی کرنے والے شخص کو دیا جاسکتاہے؟

جواب

قربانی کا گوشت ان کو دینا درست ہے جو خود قربانی کررہے ہوں۔

تاہم قربانی کے گوشت کی تقسیم میں مستحب یہ ہے کہ اسے تین حصے کیا جائے، ایک حصہ  اپنے اور اہلِ خانہ کے لیے رکھے، دوسرا حصہ رشتہ داروں اور دوستوں کے لیے، جب کہ تیسرا حصہ ضرورت مندوں  پر صدقہ کرنا افضل ہے؛ لہذا قربانی کرنے والوں کو گوشت دینا ہو تو بہتر یہ ہے کہ اپنے یا اعزہ و اقرباء والے حصے میں سے دے، صدقے والے حصے میں سے نہ دے۔

الفتاوى الهندية (5 / 300):
ويستحب أن يأكل من أضحيته ويطعم منها غيره، والأفضل أن يتصدق بالثلث ويتخذ الثلث ضيافة لأقاربه وأصدقائه، ويدخر الثلث، ويطعم الغني والفقير جميعا، كذا في البدائع. ويهب منها ما شاء للغني والفقير والمسلم والذمي، كذا في الغياثية. فقط والله أعلم