سوال

قربانی کا جانور خرید کر چارہ کی خاطر بائع کے گھر چھوڑنا درست ہے یا نہیں؟ جواب مع حوالہ ارسال کریں۔

جواب

صورتِ مسئولہ میں اگر جانور کی خریداری اس شرط پر ہو کہ اسے بیچنے والے کے پاس چارہ کی خاطر چھوڑا جائے گا تو یہ جائز نہیں ہے؛ کیوں  کہ یہ شرط مقتضائے عقد کے خلاف ہے۔

 اگر اس شرط پر خریداری نہ ہو، بلکہ جانور خریدنے کے بعد بیچنے والے کی رضامندی سے اس کے پاس جانور کو چھوڑا جائے تو مذکورہ صورت جائز ہے، چاہے وہ جانور کو چارہ دینے پر تبرعاً راضی ہو یا باہمی رضامندی سے اجرت طے کرکے اس کی اجرت لے۔

شامی میں ہے :

"وحقيقة الشروط الفاسدة هي زيادة ما لايقتضيه العقد ولايلائمه، ففيها فضل خال عن العوض وهو الربا كما في الزيلعي". (۵ / ۲۱، سعید) فقط واللہ اعلم