بِسْمِ اللَّهِ الرَّحْمَنِ الرَّحِيم

9 صفر 1443ھ 17 ستمبر 2021 ء

دارالافتاء

 

قربانی کے جانور میں عقیقے کی نیت درست ہونے کی وجہ


سوال

قربانی میں عقیقہ والا شامل ہوسکتا ہے، اس کی کیا وجہ ہے، جب کہ قربانی واجب ہے؟

جواب

قربانی اور عقیقہ، دونوں میں اللہ کا قرب حاصل کرنے کی نیت ہوتی ہے اور جس بڑے جانور میں حصہ داروں کی نیت اللہ کا قرب حاصل کرنا ہو، اس کی قربانی درست ہوجاتی ہے اور ان کی نیتیں معتبر ہوتی ہیں؛ لہذا ایک بڑے جانور (جس میں سات حصے ہوسکتے ہیں) میں قربانی کے الگ حصے ہوں اور عقیقے کے الگ حصے ہوں تو دونوں حصے رکھنے والوں کی قربانی درست ہوگی اور نیتیں معتبر ہوں گی۔

فتاوی شامی میں ہے :

"وكذا لو أراد بعضهم العقيقة عن ولد قد ولد له من قبل؛ لأن ذلك جهة التقرب بالشكر على نعمة الولد ذكره محمد".

(فتاوی شامی 6/ 326، کتاب الاضحیة، ط: سعید)

فقط واللہ اعلم


فتوی نمبر : 144212200360

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں